Futbol boʻyicha U-17 Osiyo kubogida  O’zbekiston “A” guruhidan joy oldi UzNur.uz

Bugun, 23 yanvar kuni Kuala-Lumpurda U-17 Osiyo kubogiga qurʼa tashlash marosimi boʻlib oʻtdi. Qurʼada jamoalar 4 ta savatchaga ajratilgan boʻlib, Oʻzbekiston U-17 terma jamoasi 2-savatchadan oʻrin oldi.

Qurʼa natijasiga koʻra, Oʻzbekiston terma jamoasi Saudiya Arabistoni, Tailand va Xitoy terma jamoalari bilan "A" guruhdan oʻrin olishdi. Qurʼa tashlash yakunlariga koʻra barcha jamoalar oʻz raqiblarini bilib olishdi.

Maʼlumot oʻrnida, mazkur musobaqa Qatarda boʻlib oʻtadigan 17 yoshgacha futbolchilar oʻrtasidagi FIFA Jahon chempionatiga saralash vazifasini ham oʻtab beradi. Musobaqaning eng yaxshi 8 ta jamoasi 2025 yilgi oʻsmirlar oʻrtasidagi mundialda ishtirok etish huquqini qoʻlga kiritadi..