Angliyaning “Liverpul” klubi va Portugaliya terma jamoasi hujumchisi, 28 yoshli Diogu Jota Ispaniyada ro‘y bergan avtohalokatda ukasi Andre bilan birga halok bo‘ldi. Bu haqda Marca nashri xabar berdi.
Fojia tafsilotlari:
– Avariya Ispaniyaning Samora provinsiyasi, Sanabriya tumani yaqinida yuz bergan.
– Futbolchilar ketayotgan mashina trassadan chiqib ketib, keyin yong‘in kelib chiqqan.
– Ikkala aka-uka voqea joyida vafot etgan.
Diogu Jota haqida:
– Portugaliyaning “Gondomar” va “Pasush de Ferreyra” klublari tarbiyalanuvchisi
– “Atletiko Madrid”, “Portu”, “Vulverhempton” klublarida o‘ynagan
– 2020-yildan “Liverpul” a’zosi, u bilan:
– 2021/22-yilgi Angliya kubogi
– 2024/25-yilgi Premier liga chempionligini qo‘lga kiritgan
So‘nggi xotira:
– Diogu Jota 5 kun avval to‘y suratlarini o‘zining ijtimoiy tarmoqlariga joylagan edi.
Futbol jamoatchiligi bu fojia yuzasidan chuqur hamdardlik bildirmoqda. “Liverpul” klubi yaqin orada rasmiy bayonot berishi kutilmoqda.
