Eldor Shomurodov transfer arafasida: Yevropaning bir nechta klubi o‘zbekistonlik hujumchiga da’vogarlik qilmoqda
O‘zbekiston milliy terma jamoasi hujumchisi Eldor Shomurodovning faoliyati atrofida yana transfer mish-mishlari avj olmoqda. Rimning “Roma” klubi bilan shartnomasi saqlanib qolayotganiga qaramay, 29 yoshli futbolchi Yevropa klublarining e’tibor markazida qolmoqda.
Roma Press nashrining xabar berishicha, Shomurodov 2025-yil 30-iyungacha yangi klubga o‘tishi mumkin.
Transferga da’vogarlar:
- Turkiyaning “Istanbul Bashakshehir” klubi;
- Italiyaning “Kremoneze” jamoasi;
- Fransiyaning bir nechta klublari, jumladan, “Renn”.
Ma’lumotlarga ko‘ra, “Renn” klubi allaqachon “Roma”ga rasmiy so‘rov yuborgan, shuningdek, futbolchining hozirda Istanbulda ekani haqidagi ma’lumotlar ijtimoiy tarmoqlarda tarqalgan.
O‘tgan mavsum statistikasi:
Shomurodov Italiya A Seriyasida taniqli murabbiy Klaudio Raneri qo‘l ostida harakat qilib, o‘zining samaradorligini yana bir bor isbotladi:
- 7 ta gol;
- 5 ta golli uzatma.
Yozgi transfer oynasining yakuniga oz vaqt qolayotgan bir paytda, Eldorning qaysi klub safida faoliyatini davom ettirishi futbol jamoatchiligi orasida katta qiziqish uyg‘otmoqda.
