Toshkentda 100 mln dollarlik “Yangi Chorsu” majmuasi qurilishi boshlanadi

Toshkent markazida 100 million dollarlik “Yangi Chorsu” majmuasi qurilishi boshlanadi. Sobiq “Chorsu” mehmonxonasi o‘rnida Manar Development kompaniyasi tomonidan barpo etiladigan ushbu ko‘p funksiyali majmua umumiy 100 ming kvadrat metr maydonga ega bo‘ladi. Unda turar-joy binolari, mehmonxona, savdo va ofis maydonlari joylashadi. Loyiha arxitektura konsepsiyasi mashhur me’mor Sergey Choban tomonidan ishlab chiqilgan. Qurilish ishlari 2025-yil dekabrida start olishi kutilmoqda. Dastlabki obyektlar 2028-yilda foydalanishga topshiriladi, butun loyiha esa 2029-yil oxiriga qadar to‘liq yakunlanadi.