Toshkentda inson organlari savdosi bilan shug‘ullangan guruh fosh etildi

Toshkent shahri va bir nechta viloyatlarda faoliyat yuritgan 12 kishilik jinoiy guruh qo‘lga olindi. Ular ijtimoiy tarmoqlar orqali buyrak va jigar kasalligidan aziyat chekayotgan bemorlarni topib, sog‘lom fuqarolarga katta pul evaziga organini sotishni taklif qilishgan.

 Donorlarni qalbaki hujjatlar yordamida “qarindosh” sifatida ko‘rsatib, qo‘shni davlatlardagi xususiy klinikalarda jarrohlik amaliyotlari o‘tkazilgan. 2023–2025-yillar davomida jami 32 nafar bemorga organ ko‘chirib o‘tkazilgani aniqlangan.

 Mablag‘ning bir qismi klinika va donorlar hisobiga o‘tgan, qolganini esa guruh a’zolari o‘zaro taqsimlab olishgan. Ayrim bemorlarning sog‘ligi yomonlashgach, ularga qimmat dorilarni majburan sotish holatlari ham qayd etilgan.