Toshkentda tungi avtobus yo‘nalishlari ma'lum qilindi

Poytaxtda avtobuslar soat 22:00 dan 06:00 gacha aeroport, vokzal va sayyohlik ko‘chalari orqali 15 ta yo‘nalishda qatnaydi. Ular qizil rangda bo‘lib, dastlabki bosqichda harakatlanish oralig‘i 30 daqiqa etib belgilangan.

Umumiy uzunligi 136 km bo‘lgan 8 ta yo‘nalishda 31 ta avtobus yo‘lga chiqarilishi rejalashtirilgan va buning uchun 19,1 mlrd so‘m ajratiladi. Keyingi bosqichda esa uzunligi 98 km bo‘lgan 7 ta yo‘nalishda 23 ta avtobus qatnaydi, loyihaga 14,2 mlrd so‘m mablag‘ talab etiladi.

Yo‘nalishlar “T” harfi bilan belgilanadi — T1, T2, T3. Joriy yil oxirigacha T1 yo‘nalishi Bektemir tumanidagi Husayn Boyqaro ko‘chasidan Qo‘yliq bozori tomon, so‘ngra Xonobodtepa ko‘chasi orqali o‘tadi.