Shomurodov “Roma”ni tark etmoqda — “Bashakshehir” transferi yakuniy bosqichda

 O‘zbekistonlik hujumchi Eldor Shomurodov Italiya poytaxtidagi faoliyatiga nuqta qo‘ymoqda. Turk OAVlariga ko‘ra, u “Roma”dan Turkiyaning “Istanbul Bashakshehir” klubiga to‘liq transfer asosida o‘tishi mumkin.

 Turk jurnalisti Salim Manavning xabariga ko‘ra, tomonlar oldindan kelishuvga erishgan, hozirda bitim yakuniy bosqichda.

Transfer tafsilotlari:

– Shomurodovning “Roma” bilan yana 1 yillik amaldagi shartnomasi bor;

– “Bashakshehir” futbolchini ijaraga emas, to‘liq xarid qilishga tayyor;

– “Roma” esa futbolchini sotib, UEFA moliyaviy talablariga javob berish va yangi transferlar uchun joy bo‘shatmoqchi.

Statistika (2023/24 mavsum):

– 37 ta o‘yin

– 7 ta gol

– 5 ta golli uzatma

Shomurodov uchun yana bir da’vogar — Italiyaning “Kremoneze” klubi bo‘lgan, ammo “Bashakshehir” hozirda favorit hisoblanmoqda.

Transfer yaqin kunlarda rasman e’lon qilinishi kutilmoqda.