Mamlakatimizda piyozdan shakar ishlab chiqarish yo'lga qo'yilishi mumkin
Mamlakatimizda piyozdan shakar ishlab chiqarish yo'lga qo'yilishi mumkin.
Qishloq xo‘jaligi vaziri o‘rinbosari vazifasini bajaruvchi Jamshid Abduzuhurov Janubiy Koreyaning biolog olimlari va mamlakatimizda faoliyati yo‘lga qo‘yilgan "GS-BIO" kompaniyasi vakillari bilan uchrashdi.
Unda koreys olimlari tomonidan istiqbolli deb topilgan uchta loyihani mamlakatimizda yo‘lga qo‘yish va buning uchun investitsiya jalb etish masalalari muhokama etildi.
Uchrashuvda kompaniya vakillari va biolog olimlar bugun dunyoning rivojlangan davlatlarida piyozdan olinadigan shakarga bo‘lgan ehtiyojning ortayotgani, piyoz yetishtirish bo‘yicha esa mamlakatimiz jahondagi yetakchi davlatlar qatorida turishini e’tirof etishar ekan, aynan piyozdan shakar ishlab chiqarish va eksportga yo‘naltirish bo‘yicha o‘z takliflarini bildirdi.
Shuningdek, sarimsoqpiyoz va qizilmiya ildizini qayta ishlashni yo‘lga qo‘yish hamda mevali daraxtlar uchun agrogidrogel ishlab chiqarish bo‘yicha o‘z fikrlarini o‘rtaga tashlashdi.
Shuningdek, tomonlar sarimsoqpiyoz va qushqo‘nmas o‘simligini qayta ishlash natijasida olinadigan mahsulotning tabobatdagi ahamiyati, uni eksport qilish imkoniyatlari haqida o‘zaro fikr yuritishib, samarador deb topilgan loyihalar bo‘yicha hamkorlikda ishlash yuzasidan kelishib olishdi.
yo‘lga, ishlab, chiqarish, bo‘yicha, piyozdan, shakar, mamlakatimizda, vakillari, bilan, qo‘yish, biolog, olimlari, faoliyati, topilgan, uchun, kompaniya, olinadigan, piyoz, aynan
