Noyabr oyida ikkilamchi avtomobil bozorida narxlar pasaydi

Noyabr oyida ikkilamchi avtomobil bozorida narxlar pasaydi.

O‘zbekiston Respublikasi Vazirlar Mahkamasi huzuridagi Makroiqtisodiy va hududiy tadqiqotlar instituti ma’lumotiga ko‘ra, 2024 yil noyabr oyida ikkilamchi avto bozorda mahalliy ommabop avtomobillar, xorijiy lyuks modellar va elektromobillar narxlari tushishi qayd etildi.
"Onix", "Lacetti" va "Spark" kabi mahalliy avtomobillar narxi 0,8 foizdan 5,4 foizgacha arzonlashgan.  

Elektromobillardan BYD "Han" va "Yuan Up" rusumlari mos ravishda 1,6 foiz va 2,4 foizga pasaygan. Xorijiy lyuks modellar, jumladan, Hyundai "Elantra" va Kia "Sportage" o‘rtacha 1,5 foizdan 3,4 foizgacha tushgan.  

Shu bilan birga, ayrim mahalliy lyuks avtomobillar va yangi modellarda sezilarli o‘zgarish kuzatilmagan.