Yangi O‘zbekiston ko‘chasida yerosti avtomobil yo‘li ochildi

Prezident Shavkat Mirziyoyev Yangi O‘zbekiston ko‘chasida qurilgan yerosti avtomobil yo‘li bilan tanishdi.

 Tunneling uzunligi 468 metr, kengligi 25 metr bo‘lib, u soatiga 10 mingdan ortiq avtomobil harakatini ta’minlay oladi.

Yo‘l usti hududi yashil maydonga aylantirilib, “Yangi O‘zbekiston” bog‘i bilan Olimpiya shaharchasini bog‘lovchi xavfsiz piyodalar yo‘lagi barpo etildi.

Shuningdek, kelgusida metro yo‘li uchun maxsus tunel va bekat ham qurib qo‘yilgan.