Prezident Zominda qurilayotgan yirik Artel zavodini borib ko‘rdi

 Prezident Shavkat Mirziyoyev Zomin tumanida barpo etilayotgan Artel maishiy texnika zavodi qurilishini ko‘zdan kechirdi. Mazkur loyiha Navoiy sanoat bog‘i filiali sifatida ajratilgan 80 gektar maydonda joylashgan.

 Investitsiya hajmi: $150 million

 Yaratiladigan ish o‘rinlari: 7 mingdan ortiq

Ishlab chiqarish rejalari:

• Yiliga 1 million dona maishiy texnika ishlab chiqariladi:
  ✅ Kir yuvish mashinalari
  ✅ Muzlatgichlar
  ✅ Televizorlar va boshqalar
• 100 turdagi mahsulot
• Mahsulotlarning 70% gacha mahalliylashtiriladi

 Yillik ishlab chiqarish hajmi: $320 million

 Eksport hajmi: $140 million

 Eksport bozorlar: Qozog‘iston, Ozarbayjon, Qirg‘iziston, Tojikiston va yana 15 dan ortiq davlat

 Yangi infratuzilma:

• Zavodda qolipxona tashkil etiladi — mahsulotlar dizaynini tez o‘zgartirish mumkin bo‘ladi
• Zamonaviy logistika markazi orqali mahsulotlar mijozlarga o‘z vaqtida yetkaziladi

Plastmassa sanoatiga ham hissa:

– Ushbu hududda avtomobilsozlikka xizmat qiluvchi plastmassa mahsulotlari ishlab chiqarish ham yo‘lga qo‘yiladi.