Uch oyda O‘zbekistonga xorijdan pul o‘tkazmalari hajmi 32%ga oshdi

Yanvar-mart oylarida transchegaraviy pul o‘tkazmalari hajmi $3,3 mlrdni tashkil qildi. Markaziy bank o‘sishni asosiy savdo hamkorlar valyutalari mustahkamlanishi va ish haqi yuqoriroq davlatlarga migrantlar oqimining oshishi bilan izohladi.

Natijada ko‘rsatkich o‘tgan yilning mos davriga ($2,5 mlrd) nisbatan 32%ga o‘sdi. Yanvar va mart oylarida mamlakatga $1 mlrd miqdorida o‘tkazmalar amalga oshirilgan. Eng yuqori o‘sish mart oyida kuzatilib, bu oyda transchegaraviy o‘tkazmalar hajmi $1,2 mlrdga yetgan.

Bundan tashqari, joriy yil bo‘yicha prognozlar qayta ko‘rib chiqilib, pul o‘tkazmalari hajmi 15−18% gacha o‘sishi kutilmoqda.