Qashqadaryoda FVB boshlig‘i pora bilan qo‘lga tushdi

Qashqadaryo viloyati Shahrisabz tumani Favqulodda vaziyatlar bo‘limi boshlig‘i ikki fuqaroning Shahrisabz va Chiroqchi tumanlari FVB bo‘limlariga haydovchi lavozimiga ishga qabul qilinganidan foydalanib, go‘yoki ularni ishga kiritishda “yordam berganini” ro‘kach qilib, 6 ming AQSh dollari talab qilgan.

DXX va Bosh prokuratura huzuridagi Departament hamkorligida o‘tkazilgan tezkor tadbirda u so‘ralgan puldan 3,5 ming dollarini olayotgan vaqtida ashyoviy dalillar bilan ushlandi.