Yangi yil bayramida Toshkent metrosi ish vaqti o‘zgaradi

Toshkent metrosi Yangi yil bayrami munosabati bilan 31 dekabr kuni soat 05:00 dan 1 yanvar soat 02:00 gacha yo‘lovchilarga xizmat ko‘rsatadi. Bu haqda “Toshkent metropoliteni” DUK axborot xizmati xabar berdi.

Ma’lum qilinishicha, Toshkent metropoliteni ilk marotaba 31 dekabr tonggi 05:00 dan 1 yanvar soat tungi soat 02:00 gacha yo‘lovchilarga xizmat ko‘rsatadi. Ya’ni shu kuni metro bekatlari ish vaqti odatdagidan 2 soatga uzaytiriladi.

“Shuningdek, qo‘shimcha dam olish kunlarida metro poyezdlarining harakat jadvali yuzasidan rejaviy ishlar amalga oshirilmoqda. Bu xususida batafsil qo‘shimcha ma’lumot taqdim etiladi”, deyiladi xabarda.