O‘zbekistonda 45°C gacha bo‘lgan anomal issiqlik kutilmoqda

 O‘zgidromet ma’lumotlariga ko‘ra, 17-19-iyul kunlari O‘zbekistonga janubdan juda issiq havo oqimi kirib kelishi kutilmoqda, bu esa haroratning keskin ko‘tarilishiga sabab bo‘ladi.

Ob-havo prognozi:

17-iyulda shimoliy, janubiy va cho‘l hududlarida harorat +40...+43°C gacha, ayrim joylarda esa +44...+45°C gacha ko‘tariladi.

18-20-iyul kunlari aksariyat hududlarda harorat +40...+43°C atrofida, janubda va cho‘l joylarida esa +44...+45°C gacha bo‘lishi kutilmoqda.

 Shamol kuchayishi va chang-to‘zon: Shamolning 13-18 m/s gacha kuchayishi, ayrim joylarda chang bo‘ronlari bilan kuzatilishi mumkin.

 Favqulodda ogohlantirish: Haroratning ko‘tarilishi munosabati bilan O‘zgidromet aholi uchun favqulodda ogohlantirish e’lon qildi.

 Tavsiyalar: Bunday issiq ob-havo sharoitida, ayniqsa eng yuqori harorat paytida, ochiq havoda uzoq vaqt qolishdan saqlanish, shuningdek, haddan tashqari qizib ketishning oldini olish uchun ehtiyot choralarini ko‘rish tavsiya etildi.