Haftaning payshanba kuniga qadar quruq ob-havo kuzatilishi ma’lum qilindi

Oʻzbekistonda haftaning birinchi yarmi yogʻingarchiliksiz oʻtishi kutilmoqda. Harorat kechasi -2, kunduzi +7 darajagacha koʻtariladi. Juma kuni baʼzi joylarda qor va yomgʻir yogʻadi.

Yogʻib oʻtgan qordan soʻng Oʻzbekiston hududining katta qismida qor qoplami hosil boʻldi. Bugun ertalab havo harorati 8-13 daraja sovuqqacha, ayrim joylarda 15 daraja sovuqqacha, eng chekka janubda 4-6 daraja sovuqqacha pasaydi.

Oʻzbekisiton hududining katta qismida quruq ob-havo 19-dekabr kuniga qadar saqlanib turadi. Faqat 19-dekabr chorshanba kuni Qoraqalpogʻston Respublikasi, Xorazm viloyatida va kunning ikkinchi yarmida Buxoro, Navoiy viloyatlarida baʼzi joylarida yogʻingarchilik boʻladi.

Respublika hududi boʻyicha harorat 17-dekabr kuni kechasi 8-13 daraja sovuq boʻlishi saqlanib turadi, kunduz kuni esa havo harorati koʻtarila boshlaydi. 19-dekabrga kelib, harorat kechasi 0-2 daraja sovuqqacha, kunduz kuni 5-7 daraja iliqqacha, janubda baʼzi joylarda 10 daraja iliqqacha koʻtariladi.

20-dekabr-juma kuni Oʻzbekiston boʻyicha baʼzi joylarda yomgʻir va qor koʻrinishidagi yogʻingarchilik kuzatiladi. Kunduz kungi harorat 0-3 daraja iliqqacha pasayadi.

Respublikaning ayrim joylariga kechasi va ertalab tuman tushishi mumkin. 18-20-dekabrda baʼzi joylarda shamol tezligi 13-18 m/s gacha kuchayadi.

Poytaxtimizda: 16-19-dekabr kunlari yogʻingarchilik kutilmaydi.

Harorat kechalari 10-12 daraja sovuqdan 0-2 daraja sovuqqacha, kunduz kunlari 3-5 daraja sovuqdan 5-7 daraja iliqqacha asta-sekin koʻtariladi.

20-dekabrda vaqti-vaqti bilan yogʻingarchilik (yomgʻir, qor) boʻladi.

Harorat kechasi va kunduzi 0-2 daraja iliq boʻladi.