16:34 / 31.01.2025

Farg`onada qariyb 500 mln so`mlik zargarlik buyumlarini olib kirmoqchi bo`lgan shaxs ushlandi UzNur.uz

Farg`onada qariyb 500 mln so`mlik zargarlik buyumlarini olib kirmoqchi bo`lgan shaxs ushlandi

Istanbuldan kelgan fuqaro 600 grammdan ortiq zargarlik buyumlarini bojxona to`lovisiz olib kirishga uringan.

Bojxona qo`mitasi xabariga ko`ra, Farg`ona viloyati bojxona boshqarmasi “Farg`ona aeroporti” chegara bojxona posti xodimlari tomonidan “Istanbul-Farg`ona” yo`nalishida Farg`ona shahriga uchib kelgan fuqaro olib kirish me’yoridan ortiqcha va bojxona nazoratidan o`tkazilishi zarur bo`lgan tovarlari mavjud emasligini ma’lum qilgan holda yo`lovchi bojxona deklaratsiyani to`ldirmasdan “yashil yo`lak” orqali harakatlangan.

Ushbu fuqaro harakatlari bojxona xodimlarida shubha uyg`otganligi sababli to`xtatilib o`zi va unga tegishli bo`lgan qo`l sumkalari belgilangan tartibda bojxona nazoratdan o`tkazildi.

Natijada, fuqaro qo`l sumkasida, o`zida taqilgan va tana a’zolariga yashirilgan umumiy qiymati 483 mln so`mlik og`irligi 620 gr.ga teng bo`lgan 5 turdagi 105 dona zargarlik buyumlarini bojxona nazoratidan yashirib olib o`tayotganligi aniqlandi.

Hozirda holat yuzasidan tergovga qadar tekshiruv harakatlari olib borilmoqda. Eslatib o`tamiz: amaldagi tartiblarga ko`ra jismoniy shaxslar tomonidan bojxona to`lovlari undirilmasdan respublikaga olib kirishga qimmatbaho metallar va qimmatbaho toshlardan yasalgan zargarlik buyumlar uchun me’yor 65 gr. etib belgilangan

Bojxona, zargarlik, Farg'ona

Ctrl

Enter

Xato topdIngizmi?

Iborani ajratib Ctrl+Enter tugmasini bosing

Yoqdi 0

Yoqmadi 0

Mavzuga oid yangiliklar