Andijon viloyatining ikki tumani ovoz berishdan chetlatildi

Andijon viloyatining Ulug‘nor va Oltinko‘l tumanlari “Tashabbusli budjet”ning ovoz berish bosqichidan chetlatildi. Iqtisodiyot va moliya vazirligi xabariga ko‘ra, fuqarolardan ko‘plab shikoyatlar kelib tushgani sababli ushbu qaror qabul qilingan.

🔹 Ulug‘nor tumanida 73 ta loyihadan faqat 13 tasi,

🔹 Oltinko‘l tumanida 116 ta loyihadan 22 tasi ovoz berish bosqichiga o‘tkazilgan.

Sabab sifatida — mahalliy komissiyalar loyihalarni qonunchilikda belgilangan me’zonlarga asosan qayta ko‘rib chiqmaganligi ko‘rsatildi.

 Shu bois, mazkur ikki tumanda 2-mavsum uchun ovoz berish butunlay bekor qilindi.

 Ma’lumot uchun, 2025-yilgi 2-mavsum doirasida 22 mingdan ortiq loyiha taqdim etilib, ulardan 18 656 tasi ovoz berish bosqichiga o‘tkazilgan.