Andijonda 2,3 mlrd so‘mlik elektrdan noqonuniy foydalangan korxona aniqlandi

 Andijon viloyatida elektr va gazdan noqonuniy foydalanish holatlari fosh etildi. Bu haqda Elektr energiyasi, neft mahsulotlari va gazdan foydalanishni nazorat qilish inspeksiyasi xabar berdi.

 Asosiy holat – Asaka tumanida:

– “O.T.” MChJga qarashli suv chiqarish nasosi ruxsatsiz tarzda tarmoqqa ulangan.

– Natijada elektr ta’minoti korxonasiga 2 milliard 365 million so‘m zarar yetkazilgan.

 Xo‘jaobod tumanida:

– “H.D.” oilaviy korxonasi parrandachilik fermasini tabiiy gaz tarmog‘iga o‘zboshimchalik bilan ulab, 322,7 million so‘mlik gazdan noqonuniy foydalangan.

Huquqiy chora:

– Barcha holatlar yuzasidan JKning 169-moddasi (o‘g‘rilik) bilan jinoyat ishlari qo‘zg‘atildi.

– Tergov harakatlari olib borilmoqda.