Qozog‘istonda qidiruvda bo‘lgan 22 yoshli yigit Toshkentda qo‘lga olindi

Qozog‘iston huquq-tartibot organlari tomonidan xalqaro qidiruvga berilgan shaxs Toshkent shahrida qo‘lga olindi. Bu haqda Qozog‘iston Ichki ishlar vazirligining rasmiy sayti — Politsia.kz xabar berdi.

 Tafsilotlar:

• Qozog‘istonning Jambil viloyati politsiya boshqarmasi topshirig‘i asosida, O‘zbekiston Ichki ishlar vazirligi bilan hamkorlikda Toshkentda tezkor tadbir o‘tkazilgan.
• Unda Taraz shahrida yashovchi, 2002-yilda tug‘ilgan yigit ushlangan.
• Aniqlanishicha, u 2022-yil oxirida tanishining ishonchiga kirib, jami 24 million tenge (taxminan 612 million so‘m) qiymatga ega 4 ta avtomobilni o‘zlashtirgan va ularni uchinchi shaxslarga sotgan.

• Olmaota shahrida ham ikki nafar shaxs qo‘lga olingan. Ular Turkiston viloyatining Arys tumanida bir fuqaroga nisbatan jismoniy kuch ishlatib, 3,4 million tenge (taxminan 86,7 million so‘m) pul va bir avtomobilni tortib olganlikda gumon qilinmoqda.

 Statistika:

• Qozog‘iston IIV ma’lumotiga ko‘ra, 2025-yil may oyida 140 dan ortiq jinoyat sodir etib yashirinayotgan shaxslar aniqlangan.
• Shundan 8 nafari xorijiy davlatlarda qo‘lga olingan.

Qozog‘iston Ichki ishlar vazirligi vakillari:

“Jinoyat sodir etgan shaxslarni aniqlash va javobgarlikka tortish bo‘yicha ishlar tizimli ravishda olib borilmoqda. Vaziyat nazoratda.”