Toshkentdagi sotuv ofislaridan birida yongʻin yuz berdi

Toshkent shahrining Chilonzor tumanidagi sotuv ofislaridan biri yonib ketdi. Bu haqda poytaxt FVB matbuot xizmati xabar berdi.

Maʼlum qilinishicha, hodisa bugun, 26-fevral kuni soat 02:18 da Chilonzor tumani “Tirsakobod” MFY hududida joylashgan, qurilish olib borilayotgan binoda sodir boʻlgan.

Shahar FVBga kelib tushgan xabarga koʻra, yongʻin-qutqaruv ekipajlari soat 02:21 da voqea joyiga yetib borib, yongʻinni soat 02:46 da qurshab olgan va 02:54 da toʻliq oʻchirgan.

Qayd etilishicha, hodisa oqibatida tan jarohati olgan va halok boʻlganlar yoʻq, hozirda yongʻin sababi va zarar miqdori aniqlanmoqda.