Hazoraspdagi kiyim-kechak doʻkonlarida yongʻin sodir boʻldi

Hazoraspdagi kiyim-kechak doʻkonlarida yongʻin sodir boʻldi.

Yongʻin natijasida tan jarohati olgan va vafot etganlar yoʻq

14-dekabr kuni soat 03:03 da Xorazm viloyati, Hazorasp tumani, “Bogʻdor” MFY, E.Gayazov koʻchasida joylashgan yengil tipdagi konstruksiyadan yasalgan kiyim-kechak doʻkonlarida yongʻin sodir boʻlganligi toʻgʻrisida FVBga xabar kelib tushgan.
Shunga koʻra, 13 ta yongʻin-qutqaruv ekipaji soat 03:07 da hodisa joyiga yetib borib, yongʻin soat 03:50 da oʻrab olingan va soat 05:00 da bartaraf etildi.
Yongʻin natijasida tan jarohati olgan va vafot etganlar yoʻq.
Hozirda yongʻin sababi va keltirilgan moddiy zarar miqdori aniqlanmoqda.