Uchta xorijiy aviakompaniya Oʻzbekistonga muntazam parvozlarni yoʻlga qoʻyadi
“Oʻzaviatsiya” agentligi uchta xorijiy davlat aviakompaniyalariga Oʻzbekistonga muntazam parvozlarni amalga oshirish uchun ruxsatnoma rasmiylashtirib berdi. Bu haqida agentlikning Telegram kanalida ma`lum qilindi.
Unga koʻra, endilikda Malayziyaning “Air Asia X Berhad”, Koreya Respublikasining “Tʼway Air” va Misr Arab Respublikasining “Red Sea Airlines” aviakompaniyalari muntazam aviaqatnovlarini amalga oshirish ruxsatnomasiga ega hisoblanadi.
Maʼlum qilinishicha, Malayziyaning “Red Sea Airlines” aviakompaniyasi Kuala-Lumpur-Toshkent- Kuala-Lumpur yoʻnalishida, Koreya Respublikasining “Tʼway Air” aviakompaniyasi Seul-Toshkent- Seul yoʻnalishida, Misr Arab Respublikasining “Red Sea Airlines” aviakompaniyasi Sharm-El-Sheyh-Toshkent-Sharm-El-Sheyh yoʻnalishida muntazam aviaqatnovlarini amalga oshirishi belgilangan.
“Mazkur ruxsatnomalar havo qatnovi toʻgʻrisidagi hukumatlararo bitimga asosan rasmiylashtirib berilgan”, — deyiladi xabarda.
