Toshkent viloyati hokimiga yangi oʻrinbosar tayinlandi UzNur.uz

Toshkent viloyati hokimining qarori bilan Xurshid Qoraboyev viloyat hokimining qishloq va suv xoʻjaligi masalalari boʻyicha birinchi oʻrinbosari lavozimiga tayinlandi. Bu haqda viloyat hokimligi matbuot xizmati xabar berdi.

Xurshid Qoraboyev 1987-yil Parkent tumanida tugʻilgan. Toshkent davlat iqtisodiyot universitetini tugatgan.

Mehnat faoliyati davomida Qishloq xoʻjaligi vazirligida masʼul rahbarlik lavozimlarida, shuningdek, Vazirlar mahkamasida shuʼba mudiri vazifasida ishlagan.

U mazkur mansabga tayinlangunga qadar Savdo-sanoat palatasi Qishloq xoʻjaligi sohasida tadbirkorlikka koʻmaklashish boshqarmasi boshligʻi lavozimida ishlab kelayotgandi.