"Anorbank” egasi Qahramonjon Olimov Fransiyada o‘g‘irlab ketildi

 Fransiyaning mashhur Le Monde nashri bergan xabarga ko‘ra, O‘zbekiston fuqarosi, “Anorbank” kuzatuv kengashi a’zosi va bankning 95,1% aksiyalariga egalik qiluvchiQahramonjon Olimov Parijda noma’lum shaxslar tomonidan o‘g‘irlab ketilgan.

 Hodisa tafsilotlari:

– 48 yoshli Olimov Nitssa yaqinidagi xususiy uyning yerto‘lasida ushlab turilgan;

– Jinoyatchilar tovon puli talab qilgan va uning bir qismi to‘langanidan so‘ng, Olimov ozod etilgan.

 Huquqiy jarayonlar:

– Hodisa yuzasidan Fransiya huquqni muhofaza qiluvchi organlari tomonidan jinoyat ishi qo‘zg‘atildi;

– Bir nafar gumonlanuvchi qo‘lga olingan, tergov ishlari davom etmoqda.

Voqea tafsilotlari yuzasidan Fransiya va xalqaro OAVlar kuzatuvda bo‘lib turibdi. O‘zbekiston tomoni hozircha rasmiy bayonot bermagan.