“The Wall Street Journal” “supermilliarderlar"ning yangi reytingini e`lon qildi.

1987-yilda “Forbes” jurnali birinchi marta milliarderlar reytingini e’lon qilganda, dunyodagi eng boy odam yaponiyalik magnat Yoshiaki Tsutsumi bo‘lib, uning boyligi $20 mlrdni tashkil etgan edi.

Yangi reytingning bugungi kundagi yetakchisi $419,4 mlrd boylik bilan Ilon Mask bo‘lib, bu Tsutsumining o‘sha paytdagi boyligidan 21 barobar ko‘pdir.

Bugungi kunda dunyoda boyligi $50 mlrddan ortiq bo‘lgan 24 nafar kishi mavjud. Fevral oyi boshida o‘ta boy milliarderlarning umumiy boyligi $3,3 trlnga yetib, bu Fransiya yalpi ichki mahsulotidan ko‘p hisoblanadi.

Bu barcha oddiy milliarderlar umumiy kapitalining 16%ini tashkil etadi. “Altrata” kompaniyasi o‘zining eng boy tadbirkorlar va qolgan milliarderlar o‘rtasidagi farq tobora ortib borayotgani haqidagi tadqiqotida shunday ma’lumotlarni keltirgan.

“O‘z guruhidagi milliarderlar orasidagi farq tobora yaqqolroq ko‘zga tashlanmoqda,” — deb ta’kidlaydi Altrata tahliliy yo‘nalishi rahbari Maya Imberg.

Quyidagi jadvalda dunyoning eng boy 24 super milliarderi va ularning asosiy bizneslari keltirilgan:

24 nafar o‘ta boy milliarderlar orasida faqat uchta ayol bor — bular “L'Oréal” merosxo‘ri Fransuaza Bettankur-Mayers ($61,9 mlrd) hamda “Walmart” do‘konlar tarmog‘iga egalik qiluvchi “Walton” sulolasining ikki nafar vakilidir.

O‘ta boylarning aksariyati AQShda istiqomat qiladi — mamlakat tashqarisida atigi yetti kishi yashaydi, ular orasida hindistonlik tadbirkorlar Mukesh Ambani va Gautam Adani, shuningdek, xitoylik milliarder Chzhun Shanshan (Nongfu Spring) bor.