Yangi mobil qurilmalarni O‘zbekistonga olib kirishda bojxona deklaratsiyasini to‘ldirish talab etiladi

Yangi mobil qurilmalarni O‘zbekistonga olib kirishda bojxona deklaratsiyasini to‘ldirish talab etiladi.

Bunday bo‘lmagan hollarda foydalanuvchilar telefonni UzIMEI tizimida ro‘yxatdan o‘tkaza olmaydi, shuningdek, boj to‘lashga majbur bo‘ladilar.

"Agar UzIMEI tizimida olib kirilgan telefonning bojxona deklaratsiyasi haqida ma’lumot bo‘lmasa, u holda qiymatning 30%i miqdorida to‘lovini to‘lanishi kerak, shundan so‘nggina qurilma ro‘yxatdan o‘tkaziladi. Ungacha esa ulardan foydalanib bo‘lmaydi", - deya xabar berdi Bojxona qo‘mitasi.

Deklaratsiya to‘g‘risidagi talab o‘tgan yilning 28-yanvaridan kuchga kirgandi. Shunga qaramay, 2024-yilning kuzida qo‘mita va UzIMEI deklaratsiya qilinmagan qurilmalarni aniqlash bo‘yicha integratsiyani yakunladi.