Qirg‘izistonda 30 nafar o‘zbekistonlik talaba soxta o‘qiyotgani fosh bo‘ldi

 Qirg‘iziston davlat universitetida xorijlik talabalarga nisbatan o‘tkazilgan maxsus komissiya tekshiruvi davomida, ba’zi talabalar amalda darslarga qatnashmagani, hattoki mamlakatda bo‘lmaganiga qaramay, rasman faol talaba sifatida ro‘yxatda qolayotgani aniqlangan.

Tekshiruv natijasiga ko‘ra:

– Qirg‘iziston Jinoyat kodeksining “Xizmat vakolatini suiiste’mol qilish” moddasi asosida jinoyat ishi qo‘zg‘atilgan;

– Holat maxsus komissiya tomonidan rasmiy tasdiqlangan.

O‘qishdan chetlatilgan talabalar soni — 59 nafar, ular orasida:

• 30 nafari — O‘zbekiston fuqarosi
• 20 nafari — Qozog‘iston fuqarosi
• 9 nafari — Rossiya fuqarosi

Hozirda tergov harakatlari davom etmoqda. Qirg‘iziston Milliy xavfsizlik davlat qo‘mitasi ushbu talabalarni noqonuniy tarzda o‘qishga qabul qilgan universitet xodimlarini aniqlash ustida ish olib bormoqda.