Messining tashrifi paytida hindistonlik muxlislar tartibsizlik uyushtirdi

Hindistonning mashhur “Solt-Leyk” stadionida Lionel Messini ko‘rishni orzu qilgan minglab muxlislar o‘rtasida hayajon notinchlikka aylandi. “Times of India” yozishicha, argentinalik afsona Kalkuttadagi maydonga jumhurlarga qo‘l silkitish va qisqa mashq harakatlarini bajarish uchun chiqqan, ammo bor-yo‘g‘i bir necha daqiqa o‘tishi bilan stadionni tark etgan. Shu holat esa kutish va intiqlik bilan kelgan muxlislar qalbini ranjitgan.

Ko‘plab sport ixlosmandlari chiptalar uchun 100 dollardan ko‘proq mablag‘ to‘lagan — bu esa ko‘pchiligi uchun bir oylik maoshga teng. Ularning fikricha, bunday qisqa uchrashuvga bu qadar sarf-xarajat qo‘yish umuman o‘zini oqlamagan. VIP mehmonlar va amaldorlar Messini o‘rab olgani bois ko‘p muxlislar uning yuzini ham yaxshilab ko‘ra olmagan.

Ma’lumotlarga ko‘ra, Lionel Messi “Inter Mayami”dagi jamoadoshlari Luis Suares va Rodrigo De Paul bilan birga Haydarobod, Mumbay, Dehli va Kalkutta shaharlariga uch kunlik tashrif bilan kelgan. Uning Hindiston safari jamoatchilik tomonidan katta qiziqish bilan kutilayotgan edi.