Messini kutgan muxlis stadiondan gilam bilan qaytdi (video)

Lionel Messini yaqindan ko‘rish orzusi bilan qimmat chipta xarid qilgan muxlisning kechasi umuman boshqacha yakunlandi. Uning aytishicha, stadionga kirgach, bolaligidan beri televizor orqali ko‘rib kelayotgan siyosatchilardan boshqasini ko‘rmagan.

Muxlisning noroziligi shu qadar kuchayganki, u chipta uchun sarflagan puli “zoye ketmasin” degan qarorga kelgan. Natijada u stadion ichidagi gilamlardan birini olib, xotirjam holda uyiga qaytib ketgan.

Ijtimoiy tarmoqlarda tarqalgan bu voqea qisqa fursatda hazilomuz muhokamalarga sabab bo‘ldi. Ayrimlar buni “muxlis adolati”, boshqalar esa “futbol tarixidagi eng ijodiy kompensatsiya” deb atashmoqda.

Qisqasi, Messini ko‘raman deb kelgan muxlis Leoni ko‘rmadi, ammo uyiga gilam bilan qaytdi. Hayot shunday: ba’zan gol o‘rniga suvenir tushadi.