Oleg Kornauxov: Xabi Alonso Real yulduzlarini tizimga solmoqchi

CSKA sobiq himoyachisi Oleg Kornauxov Madridning Real jamoasi bosh murabbiyi Xabi Alonso futbolchilardan nimalarni talab qilayotgani haqida fikr bildirdi. La Liganing 16-turida madridliklar safarda Alavesni 2:1 hisobida qiyinchilik bilan mag'lub etdi.

Uchrashuvda Kilian Mbappe va Rodrigo gol muallifi bo'ldi. Kornauxovning aytishicha, Alonso Realdagi o'yin modelini qayta qurmoqda va yulduz futbolchilarni jamoaviy tartib-intizom hamda yagona tizimga bo'ysundirishni istaydi.

Uning ta'kidlashicha, bu jarayon murabbiy uchun hozircha oson kechmayapti, biroq vaziyatni to'g'rilash imkoniyati bor: jamoa ikkinchi o'rindan atigi to'rt ochko ortda. Keyingi turda Real 20 dekabr kuni Madridda Sevilyani qabul qiladi.

Ungacha Alonso shogirdlari Ispaniya Kubogida Talavera bilan bahs olib boradi. Avvalroq ommaviy axborot vositalarida Alonso tez orada iste'foga chiqarilishi mumkinligi haqida mish-mishlar bir necha bor tarqalgan edi.

Bu gap-so'zlar Realning Chempionlar ligasida Manchester Sitiga mag'lub bo'lganidan keyin yanada kuchaydi.
Oleg Kornauxov, Xabi Alonso, La Liga, Real jamoasi, Ispaniya Kubogi