Madridning "Real" klubi hujumchisi Kilian Mbappe "Sevilya"ga qarshi o'yindan (2:0) so'ng intervyu berdi. Uchrashuvda 27 yoshli fransiyalik futbolchi penaltini aniq amalga oshirdi.
Ushbu gol Mbappening joriy taqvim yilida "Real" safida urgan 59-goliga aylandi. Shu tariqa u klubning yil davomida kiritilgan gollar bo'yicha rekordini 2013 yilda xuddi shunday natijaga erishgan Krishtianu Ronaldu bilan bo'lishib turibdi.
Mbappening aytishicha, Ronaldu doimo unga yaxshi munosabatda bo'lgan, "Real"ga moslashish jarayonida yordam bergan va hozir ular do'st. Hujumchi Ronalduga eng ezgu tilaklarini yo'llab, Rojdestvo va Yangi yil bilan tabrikladi.
"Bu men uchun alohida kun. Men "Real" tarixidagi eng yaxshi futbolchi va bolalikdagi kumirim rekordini takrorladim.
Bugungi nishonlashimni aynan Ronalduga bag'ishladim, unga hurmatimni bildirmoqchi edim", deya Mbappening so'zlarini keltiradi Madrid Universal. Eslatib o'tamiz, Krishtianu Ronaldu "Real" sharafini 2009 yildan 2018 yilgacha himoya qilgan.
Real klubi, Kilian Mbappe, Krishtianu Ronaldu, Futbol rekordi, Madrid Universal
Ctrl
Enter
Xato topdIngizmi?
Iborani ajratib Ctrl+Enter tugmasini bosing
