Brunu Fernandesh Al-Hilol taklifini rad etib, MYUda qoldi

“Manchester Yunayted” yarim himoyachisi Brunu Fernandesh yozda Saudiya Arabistonining “Al-Hilol” klubidan aniq taklif olganini, biroq jamoada qolishni tanlaganini ma'lum qildi. Portugaliyalik futbolchining aytishicha, saudiyaliklar u bilan bevosita bog'langan: “Al-Hilol” prezidenti ham, shuningdek, ehtimoliy transfer masalasini muhokama qilishni taklif qilgan Ruben Nevesh ham u bilan suhbatlashgan.

Fernandesh Saudiya Arabistonidagi moliyaviy shartlar ancha jozibador bo'lganini tan oldi, ammo pul hech qachon u uchun asosiy omil bo'lmaganini ta'kidladi. “Shikoyat qilolmayman, menga juda yaxshi maosh to'lanadi, lekin, albatta, farq katta.

Biroq men hech qachon pulga qarab qaror qilmaganman. Ko'pchilik qilayotganidek, u yerga ketishim mumkin edi.

Ammo men klubga bog'lanib qolganman. Klub meni ketishimni istaganini sezdim.

Bu haqda rahbariyatga aytdim, lekin menimcha, ular bunday qarorni qabul qilishga jur'at eta olishmadi, chunki murabbiyga men kerak edim”, — deya futbolchining so'zlarini Canal11 keltiradi. Joriy mavsum Angliya Premer-ligasida Fernandesh 16 uchrashuvda maydonga tushib, 5 gol urdi va 7 assist qayd etdi.

Manchester Yunayted, Brunu Fernandesh, Saudiya Arabistoni, Al-Hilol klubi, Angliya Premer-ligasi