Qo‘shma Shtatlar Ukraina prezidenti Vladimir Zelenskiyni xavfsizlik kafolatlari bo‘yicha taklif etilgan shartlarni qabul qilishga undayotgani haqida xabarlar tarqaldi. Bu haqda The Telegraph nashri o‘z manbalariga tayanib ma’lum qildi.
Nashrda qayd etilishicha, AQSH tomoni Ukrainaga xavfsizlik kafolatlariga doir “eng yuqori darajadagi” taklifni qabul qilishni tavsiya qilgan. Agar Kiyev bu shartlarga rozi bo‘lmasa, umuman xavfsizlik kafolatlarisiz qolish xavfi mavjudligi ta’kidlanmoqda.
Manbalar ushbu taklifni “platina standart” deb atab, uni AQSH tomonidan berilgan eng jiddiy va qat’iy variant sifatida baholagan. Shu bilan birga, Ukraina va Yevropa davlatlari AQSHning amaldagi yetakchisi Donald Tramp taklif etgan yo‘nalishdan rozi ekani aytilmoqda.
Ayni paytda xavfsizlik kafolatlarining aniq mazmuni va shartlari ochiqlanmagan. Shu bois, taklifning tafsilotlari hamon maxfiy saqlanmoqda.
Qo‘shma Shtatlar, Ukraina prezidenti, Xavfsizlik kafolatlari, The Telegraph, Donald Tramp
