Ijarachi ayolga shilqimlik qilgan uy yegasi qamaldi

Toshkentning Shayxontohur tumanida ijaraga berilgan uyda noxush holat yuz berdi. Ijarachi ayolning aytishicha, uy egasi hisoblagichni ko‘rish bahonasida kelib, unga nisbatan nomaqbul qo‘pol takliflar qilgan.

Ma’lumotlarga ko‘ra, uyda yolg‘iz bo‘lgan 22 yoshli ayol uy egasining xulqidan xavotirga tushib baqirgan, o‘zini himoya qilish uchun pichoq ham olgan. Hoshiyadagi qo‘shnilar ovozni eshitib, darhol yordamga kirib kelishgan.

Sudda erkak uyga hisoblagichni tekshirish uchun kirganini tan olgan, lekin ayolga tegajog‘lik qilganini rad etgan. Shu bilan birga, yengil jazo so‘ragan.

Holat yuzasidan ish ko‘rib chiqilgan va sud uy egasini MJtKning 41-1-moddasi 1-qismi bo‘yicha aybdor deb topib, 5 sutka ma’muriy qamoq jazosini belgilagan.