Xitoy tashqi ishlar vaziri Van I 19-22-noyabr kunlari O‘zbekiston, Qozog‘iston va Qirg‘izistonga tashrif buyuradi. Bu haqda CGTN telekanali xabar berdi.
Tashqi ishlar vazirligi ma’lumotlariga ko‘ra, Van I mazkur mamlakatlar vazirlarining taklifiga binoan Markaziy Osiyoga tashrif buyuradi. Muzokaralar davomida tomonlar hamkorlik masalalarini muhokama qiladi, shuningdek, mintaqaviy va xalqaro kun tartibidagi masalalar bo‘yicha fikr almashadi.
"Xitoy ushbu tashrif Markaziy Osiyo-Xitoy ikkinchi sammiti yakunlari va XXR raisi Si Szinpin hamda uch davlat prezidentlari o‘rtasidagi umumiy kelishuvlarni to‘liq amalga oshirish imkonini beradi, deb hisoblaydi", — deyiladi Xitoy tashqi ishlar vazirligi matbuot xizmati bayonotida. Ma’lum qilinishicha, Shavkat Mirziyoyev rahbarligida O‘zbekiston va Xitoy o‘rtasidagi munosabatlar yangi bosqichga ko‘tarilgan.
Eslatib o‘tamiz, Xitoy 2023-yilning dastlabki to‘qqiz oyida O‘zbekistonning asosiy savdo hamkori bo‘ldi. Ikki davlat o‘rtasidagi savdo aylanmasi 11,4 milliard dollardan oshdi.
O‘tgan yili bu ko‘rsatkich 9 milliard dollarni tashkil qilgan edi.
Xitoy Tashrifi, Markaziy Osiyo, O‘zbekiston Xitoy, Savdo Hamkorlik, Xalqaro Munosabatlar
