RB Leyptsig hujumchisi Timo Verner yaqin orada Yevropani tark etishi mumkin. Avvalroq germaniyalik futbolchiga Inter Mayami qiziqish bildirayotgani haqida xabarlar tarqalgan edi, biroq MLSdagi yana bir klub — San-Xose Ertkveyks ham muzokaralarga kirishdi.
Jurnalist Florian Plettenberg ma'lumotiga ko'ra, Kaliforniya klubi 29 yoshli forvard bilan allaqachon muzokara o'tkazgan. Ayni paytda Verner transferi bo'yicha eng asosiy da'vogar sifatida San-Xose Ertkveyks ko'rilmoqda.
Verner joriy mavsumda RB Leyptsig safida deyarli maydonga tushmayapti — u bor-yo'g'i ikki daqiqa o'ynagan. Futbolchining “qizil buqalar” bilan amaldagi shartnomasi 2026 yil o'rtalarigacha mo'ljallangan va u uzaytirilmaydi.
RB Leyptsig, Timo Verner, Inter Mayami, San-Xose Ertkveyks, Kaliforniya klubi
Ctrl
Enter
Xato topdIngizmi?
Iborani ajratib Ctrl+Enter tugmasini bosing
