"Arsenal"ning g‘alabasi: ikki avtogol va dramatik daqiqalar (video)

Angliya Premer-ligasining 16-turida "Arsenal" o‘z maydonida "Vulverxempton"ni 2:1 hisobida mag‘lubiyatga uchratdi. O‘yin so‘nggi daqiqalardagi keskin vaziyatlar bilan hal bo‘ldi.

Dastlab "to‘pchilar" to‘pni nazorat qilib, qanotlar orqali hujumlarni kuchaytirdi. Ammo "bo‘rilar" himoyaga kuchli e’tibor qaratib, jarima maydonini yopib qo‘ydi.

Shunga qaramay, "Arsenal" tez-tez uzatmalarni amalga oshirsa-da, zarbalar aniq emas edi. Natijada, birinchi bo‘limda hisob ochilmadi.

Ikkinchi bo‘limda mezbonlar bosimni oshirib, ko‘proq burchak zarbalarini qo‘lga kiritdi. Deklan Raysning zarbalaridan keyin mehmonlar darvozaboni Jonston bir necha bor jamoasini qutqarib qoldi.

Keyinchalik "Arsenal" bosh murabbiyi Mikel Arteta hujum chizig‘ini yangilash uchun Edegor va Trossarni maydonga tushirdi. 70-daqiqada Sakaning standart vaziyatdan uzatmasi darvoza ustuniga tegib, darvozabon Jonstonning orqasiga qaytdi va avtogol qayd etildi.

Shu tariqa "Arsenal" oldinga chiqib oldi. Ammo qo‘shimcha vaqtda mezbonlar himoyaga o‘tib, "Vulverxempton"ga imkoniyat yaratdi.

Mane darvoza oldiga uzatma amalga oshirdi, Arokodare bosh bilan to‘pni darvozaga yo‘llab, hisobni tenglashtirdi – 1:1. Shundan so‘ng, Saka o‘ng qanotdan yana bir uzatma amalga oshirdi.

Jezuz to‘pga yetib bormadi, ammo "Vulverxempton" himoyachisi Moskera bosh bilan to‘pni o‘z darvozasiga yo‘lladi. Shu tariqa ikkinchi avtogol "Arsenal"ga 2:1 hisobida g‘alaba keltirdi.

Ushbu vaziyatdan keyin Moskera hakam bilan bahslashgani uchun sariq kartochka oldi.

Arsenal – Vulverhempton 2:1

Gollar: Jonston 70 avtogol, Moskera 90+4 - Arokadare 90.

Arsenal – Rayya, Uayt (Lyuis-Skelli, 31), Saliba, Inkapiye, Timber, Rays, Subimendi (Merino, 58), Eze (Edegor, 57), Saka, Martinelli (Trossar, 57), Gokeresh (Gabriel Jezus, 81).

Vulverhempton – Jonston, Dogerti (Chatchua, 69), Moskera, Agbadu, Toti (Mane, 86), Volf, Kreychiy (Lopes, 80), Andre, Gomes, Hvang (Ariyas, 80), Larsen (Arokadare, 69).