«Yuventus» bosh murabbiyi Luchano Spalletti A Seriyaning 15-turida «Bolonya»ga qarshi o‘yin oldidan fikrlari bilan o‘rtoqlashdi. Mutaxassis Vinchenso Italiano boshqaruvidagi jamoa juda yaxshi ko‘rinayotganini ta’kidladi.
Spallettining aytishicha, yoshiga qaramay, Italiano tajribasidan o‘rganadigan jihatlar ko‘p. «Albatta, Italianodan o‘rganadigan narsalar bor.
Menimcha, u bizdagi eng yaxshi yosh murabbiylardan biri. Ularda katta salohiyat bor va qaysi yo‘nalishda harakat qilishni aniq bilishadi», — deya Spallettining so‘zlarini keltiradi Football Italia.
Spalletti «Bolonya»ning kuchli tomonlari sifatida raqibdan cho‘chimay o‘ynashini va maydonda qattiq kurashni majburan qabul qildira olishini qayd etdi. «Bolonya» — «Yuventus» uchrashuvi 14-dekabr kuni bo‘lib o‘tadi.
Yuventus, Luchano Spalletti, A Seriya, Vinchenso Italiano, Football Italia
