Germaniya Bundesligasining 14-turida Leverkuzenning “Bayer” jamoasi o'z maydonida beqaror o'yin ko'rsatayotgan “Kyoln”ni qabul qildi. Uchrashuvning 10-daqiqasidayoq mezbonlar hisobni ochishga yaqin kelishdi: Kristian Kofanenning zarbasidan so'ng raqib darvozaboni to'pni zo'rg'a burchak to'piga chiqarib yubordi.
Luka Valdshmidt ketma-ket ikki hujumda xavfli zarba berdi: avval to'p darvoza ustuniga yaqin joydan o'tib ketdi, oradan ko'p o'tmay esa darvozabon jamoasini qutqarib qoldi. Burchak to'pidan keyin Robert Andrix bosh bilan yo'llagan to'p ham ustun yonidan o'tdi.
Ikkinchi bo'limda Malik Tilman nazoratsiz qolib, qulay vaziyatdan foydalana olmadi va to'pni darvozadan chetga yo'lladi. 66-daqiqada Artur Soaresning uzatmasidan so'ng Marten Terrye tovoni bilan chiroyli gol urib, hisobni ochdi.
Oradan olti daqiqa o'tib, navbatdagi kornerdan keyin Andrix bu safar bosh bilan aniq zarba yo'llab, farqni ikkitaga oshirdi. Ushbu g'alabadan so'ng “Bayer” turnir jadvalida “Hoffenhaym”ni ortda qoldirib, to'rtinchi o'ringa ko'tarildi.
“Kyoln” esa to'qqizinchi pog'onani qo'shib egallab turibdi.
Germaniya Bundesligasi, Leverkuzen Bayer, Kristian Kofanen, Marten Terrye, Turnir jadvali
Ctrl
Enter
Xato topdIngizmi?
Iborani ajratib Ctrl+Enter tugmasini bosing
