Prandelli Pio'li ishdan bo'shatilishini izohladi

Stefano Pio'lining Italiya chempionatiga qaytishi kutilganidek muvaffaqiyatli bo'lmadi – u "Fiorentina" bosh murabbiyligidan iste'foga chiqarildi. Florensiya klubining sobiq murabbiyi Chezare Prandelli Pio'lini himoya qildi.

U yuzaga kelgan vaziyatda murabbiyning emas, balki futbolchilarning aybi ko'proq ekanini ta'kidladi. "Men Pio'li 'Fiorentina' uchun to'g'ri tanlov deb o'ylagandim.

Ammo klubda muammo bor – tegishli tuzilma yo'q. Agar siz murabbiyga investitsiya qilgan bo'lsangiz, unga vaqt berish kerak.

Pio'li yagona javobgar bo'lmasligi kerak. Men futbolchilarni ko'rmoqdaman, ular talablarni bajarishmayapti va yomon natijalar uchun javobgarlikni o'z zimmalariga olishni istashmayapti", – dedi Prandelli pianetamilan.it nashriga bergan intervyusida.

"Fiorentina" hozirda A Seriyada oxirgi o'rinni egallab turibdi.
Stefano Pio'li, Italiya Chempionati, Fiorentina Klubi, Chezare Prandelli, A Seriya