Sun’iy intellekt yaratuvchilari 2025 yilning “Yil odami” deb tan olindi

Time jurnali 2025 yilning “Yil odami” sifatida sun’iy intellekt yaratuvchilari jamoasini tanladi. Jurnal rasmiy veb-saytida bu haqda ma’lumot berildi.

Jurnalning muqovasida “Osmon o‘stidagi binoda tushlik” uslubida, po‘lat ustida o‘tirgan Meta rahbari Mark Sukerberg, AMD bosh direktori Liza Su, X egasi Ilon Mask, Nvidia rahbari Jensen Xuang, OpenAI rahbari Sem Altman, Googlega qarashli DeepMind bosh direktori Demis Xassabis, Anthropic rahbari Dario Amodey va ImageNet asoschisi Fey-Fey Li tasvirlangan.

Jurnal xabarida aytilishicha, bu yilgi tanlov sun’iy intellektning dunyoga ta’sirini va uning 2025 yilda jamiyat, texnologik islohotlar va geosiyosiy raqobatga qanday ta’sir ko‘rsatganini ko‘rsatib beradi. Xuang va boshqa texnologik liderlar “novator” sifatida yozilgan, chunki ular jamiyatning hayoti, axborot makoni va iqlimni qaytarishga yordam berdi. Ularning ishi davlat siyosatiga ta’sir qilgan va robotlarni kundalik hayotga olib kirgan.

Time jurnalidagi tanlovda marhum Maxatma Gandi, Adolf Gitler, Iosif Stalin, Uinston Cherchill, Martin Lyuter King va boshqalar ham “Yil odami” sifatida tanlangan. Keyingi yillarda Teylor Svift, Donald Tramp va boshqalar ham bu mukofotga sazovor bo‘lgan.

Time jurnali 1923 yildan beri chiqib keladi va har yili dekabr oyida "Yil odamini" e’lon qiladi.