Surxondaryoda 4 mashina to‘qnashdi: Isuzu, Jiguli va 2 ta Nexia

30-noyabr kuni soat 13:45 da Surxondaryo viloyati Mirzaobod tumanida to'rt avtomobil ishtirokida yo'l-transport hodisasi sodir bo'ldi. Bu haqda Yo'l harakati xavfsizligi boshqarmasi xabar berdi.

Hodisa «Dushanbe-Toshkent» xalqaro avtomobil yo'lining M-34 qismida yuz bergan. Isuzu avtomobili harakatlanayotgan «VAZ-2101» va ikki Nexia-3 avtomobili bilan to'qnashgan.

Oqibatda «VAZ-2101» haydovchisi tibbiy yordam uchun murojaat qilgan. Voqea yuzasidan Mirzaobod tuman ichki ishlar bo'limi surishtiruv ishlarini boshladi.

Surxondaryo viloyati YHXB barcha haydovchilarni yo'l harakati qoidalariga qat'iy rioya qilishga chaqirmoqda.