Britaniya Milliy sog‘liqni saqlash xizmati shifokori Debora Lining ta’kidlashicha, yonboshlab uxlash — embrion yoki “qalamcha” holati — umurtqa pog‘onasiga tushadigan bosimni kamaytiradi, qon aylanishini yaxshilaydi va kislotali refluks belgilariga yengillik beradi.
Mutaxassislar fikricha, tana va bosh bir tomonga qaratilgan holda uxlash bo‘g‘imlardagi yukni pasaytiradi, bel tuzilmasining to‘g‘ri holatini saqlaydi va uyqu vaqtidagi og‘riqlarni oldini oladi. Meyo klinikasi ham bu holat ichki a’zolarga tushadigan bosimni kamaytirib, dam olish paytida sog‘lom qon aylanishiga xizmat qilishini qayd etgan.
Embrion holati — tizzalarni ko‘krakka biroz tortgan holda uxlash — xurrakni kamaytiradi, ayniqsa homilador ayollar va bel og‘rig‘iga moyillar uchun qo‘shimcha qulaylik yaratadi. Biroq tana haddan tashqari bukilsa, bu nafas olishni tortib qo‘yishi yoki bo‘g‘imlarda qotish hissini keltirishi mumkin.
Eng tavsiya etilmaydigan holatlardan biri — chalqancha, ya’ni “askar” holati. Bu nafas buzilishi — apnoe — xavfini oshiradi, shuningdek kislotali refluksni kuchaytirishi mumkin. Yostiq past bo‘lganda bu holat yanada yomonlashadi.
Shu bilan birga, shifokorning aytishicha, agar chalqancha yotishga to‘g‘ri kelsa, tizza ostiga kichik yostiq qo‘yish beldagi bosimni yumshatadi. Yelkada noqulaylik bo‘lganda esa qo‘llar yonga yozilgan “dengiz yulduzi” holati foydali bo‘lishi mumkin.
Britaniya sog'liqni saqlash, Debora Lining, Embrion holati, Meyo klinikasi, Uyqu holatlari
