Tailandda kunduzi spirtli ichimliklar sotishga ruxsat berildi

Tailand hukumati kunduzi spirtli ichimliklar savdosiga qo'yilgan taqiqni bekor qildi. Endilikda spirtli ichimliklarni soat 14:00 dan 17:00 gacha sotish mumkin. Bu haqda Thai PBS xabar berdi. Mazkur qaror 3-dekabrdan kuchga kirdi va 180 kun davomida amal qiladi. 

Ushbu davr yakuniga yetganidan so'ng, hukumat qarorning natijalarini tahlil qiladi. Shunga qaramasdan, avvalgi savdo soatlari, ya'ni 11:00 dan 14:00 gacha va 17:00 dan 00:00 gacha o'zgarishsiz qoladi.

2025-yilning dastlabki o'n oyida Tailandga O'zbekistondan 230,8 ming nafar fuqaro tashrif buyurdi. Turistik maqsadda xorijga chiqqan o'zbekistonliklar soni o'tgan yilga nisbatan 24,7 foizga oshgan.