2025 yil 20 dekabr kuni APLning 17-turida "Nyukasl" va "Chelsi" jamoalari durang natija qayd etishdi. Uchrashuvda mezbonlar birinchi bo‘limdan keyin 2:0 hisobida oldinda borishgan edi, biroq "Chelsi" tanaffusdan so‘ng hisobni tenglashtirishga muvaffaq bo‘ldi.
"Nyukasl" uchrashuvni yuqori tempda boshladi va tezkor ustunlikka erishdi. To‘rtinchi daqiqadayoq Voltemade to‘pni darvozaga joylab, hisobni ochdi.
19-daqiqada esa Gordonning uzatmasidan keyin Voltemade dubl qayd etdi va hisobni 2:0 ko‘rinishiga olib keldi. Ikkinchi bo‘limda o‘yinning xarakteri o‘zgardi.
"Chelsi" tezligini oshirib, raqib darvozasi oldida ko‘proq xavf tug‘dira boshladi. 50-daqiqada Ris Jeyms jarima zarbasidan to‘pni darvozaga aniq yo‘llab, hisobni qisqartirdi.
65-daqiqada esa Joao Pedro birga-bir vaziyatni muvaffaqiyatli yakunlab, hisobni tenglashtirdi. Uchrashuv so‘nggida "Nyukasl" yana hujumga o‘tdi, biroq Barns va Elanga o‘z imkoniyatlaridan foydalana olishmadi.
"Chelsi" esa himoyada ishonchli o‘ynab, durangni saqlab qoldi. Bu durang "Nyukasl"ga o‘z maydonidagi mag‘lubiyatsiz seriyani davom ettirish imkonini berdi, "Chelsi" esa irodali o‘yin namoyish etib, birinchi bo‘limdagi muvaffaqiyatsizlikni bartaraf etdi.
«Nyukasl» – «Chelsi» — 2:2
«Sent-Jeyms Park» stadioni
Gollar: Voltemade 4, 20 — Jeymis 49, Pedro 66.
Nyukasl: Ramsdeyl. Miley, Sher, Tiau, Holl, Tonali, Bruno, Ramsey (Uillok, 89), Myorfi (Elanga, 73), Voltemade (Vissa, 73), Gordon (Barns, 72).
Chelsi: Sanchez, Gusto (Fernandes, 55), Chaloba, Fofana, Kukurella, Kaysedo, Jeyms, Netu, Palmer (Santos, 80), Garnacho, Pedro.
Ogohlantirishlar: Sher 61, Vissa 77, Holl 86 — Sanchez 7, Garnacho 27, Gusto 45, Kaysedo 70, Santos 82, Pedro 83.
Nyukasl jamoasi, Chelsi jamoasi, APL 17-turi, Sent-Jeyms Park, Voltemade dubl
