Manchester Yunayted Mainuni faqat katta taklif bo'lsa sotadi

Kobbi Mainu joriy mavsumda maydonda ko'p vaqt o'tkazmayapti. Shunga qaramay, u jamoa bosh murabbiyi Ruben Amorimning uzoq muddatli rejalaridan o'rin olgan.

Klub ichida Mainu kelajakda sezilarli o'sish ko'rsatishiga ishonch bor. Sky Sports xabariga ko'ra, Manchester Yunayted qishda yarim himoyachini faqat juda manfaatli taklif kelib tushgan taqdirdagina sotishga tayyor.

Qayd etilishicha, 20 yoshli futbolchi Premyer-liganing bir qator klublari diqqat markazida, biroq ularning hammasi ham Mainuni to'liq transfer qilish imkoniyatiga ega emas. 2025/2026 yilgi mavsumda Mainu Manchester Yunayted safida 12 uchrashuvda maydonga tushib, bitta golli uzatma muallifi bo'lgan.

Kobbi Mainu, Ruben Amorim, Sky Sports, Manchester Yunayted, Premyer-liga