Messi Buskets o'rniga Kokeni Inter Mayamiga taklif qildi

Inter Mayami hujumchisi Lionel Messi jamoada Atletiko Madrid yarim himoyachisi Kokeni ko'rishni istamoqda. Bir necha kun avval Koke “matraschilar” safida o'zining 500-o'yinini o'tkazdi.

Jurnalist Ekrem Konurning xabar berishicha, Messi Kokeni MLS kubogi finalidan so'ng futbolchilik faoliyatini yakunlagan Serxio Busketsning o'rnini bosadigan nomzod sifatida ko'rmoqda. Biroq Kokening transferi yozga qoldirilishi mumkin, chunki u paytda futbolchining Atletiko bilan shartnomasi yakuniga yetadi.

Shunda Inter Mayami 33 yoshli yarim himoyachini tekinga tarkibiga qo'shib olishi mumkin. Joriy mavsumda Koke barcha turnirlarda 22 ta uchrashuvda maydonga tushib, 1 ta gol urdi va 2 ta golli uzatmani amalga oshirdi.

Inter Mayami, Lionel Messi, Atletiko Madrid, Serxio Buskets, MLS kubogi