Slovakiya terma jamoasi bosh murabbiyi Franchesko Kaltsona Germaniya terma jamoasiga qarshi bo‘lib o‘tgan o‘yin yakunlari bo‘yicha matbuot anjumanida ishtirok etdi. Jahon chempionati saralash bosqichining so‘nggi uchrashuvida slovaklar 0:6 hisobida mag‘lub bo‘lishdi.
"O‘yin juda qiyin kechdi. Biz bunday kuchli jamoaga qarshi o‘ynashda qiynaldik.
Shu vaqtgacha ko‘rsatgan o‘yinimizdan mamnunman. Hisobning bunday katta bo‘lishi achinarli, ammo bu haqiqatni qabul qilish kerak", – dedi murabbiy UEFA rasmiy saytiga bergan intervyusida.
"Mag‘lubiyatlar bo‘lib turadi. Bunday jamoaga qarshi mag‘lubiyatga tayyor bo‘lishimiz kerak.
Endi bizda mart oyidagi pley-off uchrashuvlariga tayyorgarlik ko‘rish uchun bir necha oy vaqt bor", – deya qo‘shimcha qildi Kaltsona. Germaniya 15 ochko bilan guruhda yetakchilik qilmoqda.
Slovakiya hisobida 12 ochko, Shimoliy Irlandiyada 9 va Lyuksemburgda 0 ochko mavjud.
Slovakiya Jamoasi, Germaniya Jamoasi, Jahon Chempionati, Saralash Bosqichi, Matbuot Anjumani
Ctrl
Enter
Xato topdIngizmi?
Iborani ajratib Ctrl+Enter tugmasini bosing
