Xorvatiya U-17 bosh murabbiyi: "O‘zbekiston kuchli jamoa. Buni qo‘rqqanimdan aytmayapman"

U-17 jahon chempionati pley-off bosqichi oldidan Xorvatiya o‘smirlar terma jamoasi bosh murabbiyi Marijan Budimir muhim uchrashuv haqida atroflicha fikr bildirdi. Uning ta’kidlashicha, O‘zbekiston nomi katta grantlar qatorida bo‘lmasligi mumkin, ammo bu jamoaning qudratini inkor etib bo‘lmaydi.

Budimirning so‘zlariga ko‘ra, o‘zbek futbolining o‘sish sur’ati butun dunyoda e’tiborga tushgan. Katta yoshlar termasi birinchi marta Jahon chempionatiga yo‘llanma olgani, U-17 jamoasi esa amaldagi Osiyo chempioni ekani xorvat mutaxassisiga yaxshi ma’lum. U ayniqsa ikki yil oldingi muvaffaqiyat — Angliya ustidan markaziy g‘alaba va faqatgina bo‘lajak finalchi Fransiyaga qarshi mag‘lubiyatni alohida eslatdi.

Budimir bu fikrlarni raqibdan qo‘rqqani uchun emas, balki o‘zbek o‘smirlarining salohiyatiga bo‘lgan hurmat yuzasidan aytayotganini ta’kidladi. Uning qayd etishicha, O‘zbekiston jamoasi to‘g‘ri, vertikal va juda dinamik o‘yin ko‘rsatadi. Shu bois Xorvatiya shtab-kvartirasida so‘nggi kunlar jiddiy taktik tayyorgarlikka bag‘ishlangan.

Mutaxassis o‘zbek futbolchilarida osiyoga xos chaqqonlik, reaksiya tezligi va harakatlanish madaniyati borligini, shu bilan birga slavyancha ijodkorlikni ham ko‘rish mumkinligini aytdi. Uning fikricha, bu kombinatsiya raqibni taxmin qilishni qiyinlashtiradi va o‘yinda ko‘p ssenariylarga tayyor turishni talab qiladi.

Budimir jamoasi guruh bosqichida ko‘rsatgan ishonchli o‘yinni pley-offda ham takrorlash niyatida. U shogirdlari o‘zlariga yuklatilgan har bir vazifani bajarishga tayyor ekanini ta’kidlab, bellashuv yakunida xursandchilikka sabab bo‘ladigan natijaga umid bildirdi.

Eslatib o‘tamiz, O‘zbekiston – Xorvatiya uchrashuvi 15-noyabr kuni Toshkent vaqti bilan soat 20:45 da «Espayr» akademiyasida start oladi.